Fjellstyret har fem hytter for utleige, dvs. Vågåbua, Bessvassbua, Gjendeosbua, Vargebua og”gjetarhytta” ved Nedre Leirungen. Hytta ved Nedre Leirungen disponerer fjellstyret i tida 1. oktober – 31. mai. Hyttene er låst, og leige må avtalast med fjelloppsynet. Vågåbue, Bessvassbue og Gjendeosbue blir stilt til disposisjon for innanbygdsbuande. Vargebue og hytta ved Nedre Leirungen kan leigast ut både til innan- og utanbygdsbuande. I periodar når pågangen er stor, som for Vågåbua, Gjendeosbua og Bessvassbua i garnfiskeperioden frå 1. august, blir hyttene leigd ut for to og to døgn, og hyttene blir tildelt ved loddtrekning. Søknadfrist for sommarsesongen dvs. fram til og med garnfiskesesongen, for Bessvassbue, Vågåbue og Gjendeosbue er 15. juni. I periodar når pågangen er mindre, blir hyttene leigd ut til dei som melder seg fyrst, og kan bli leigd ut for fleire døgn om gongen. Dei som søkjer to veker før aktuell leigedato har fortrinnsrett. Dersom pågangen for påska og vinterferien er stor, blir hyttene tildelt for fem døgn. For vinterferie og påska er søknadsfristen fire veker før, etter fristane blir hyttene leigd ut til den som melder seg fyrst. Prisane er for Vågåbue, Vargebue og hytta ved Nedre Leirungen kr. 150,- pr. døgn for innanbygds, og kr. 250,- pr. døgn for utanbygds. For Bessvassbue kr. 200,- pr. døgn for innanbygds. For Gjendeosbue er prisen kr. 300,- for innanbygds. For heile vinterferien og påska er prisen kr. 1.500,-, kr. 750,- for halve perioden, . For Gjendeosbue er prisen kr. 1.250,- for fem døgn og kr. 2.500,- for heile perioden. Hyttene er utstyrt med kjøkenutstyr og kokeapparat (med bruk av propan). Ingen av dei har elektrisk strøm, og oppvarming skjer med vedomn. Sengene har madrass og puter (ikkje dyner). I sommarsesongen blir nøkkel lagt ut ved sentralbordet på kommunehuset i god tid før aktuell leigeperiode. For haust og vinter blir nøkkel levert etter nærare avtale.

Trykk HER for å gå til bestillingsskjema

Vågåbue

Hytta ligg i vestenden av Gjende. Hytta er på ca. 40 m2, med to soverom og fire sengeplassar + madrassar. Til bruk for innanbygdsbuande.

Bessvassbue

Hytta ligg ca. 500 meter vest for Bessvassosen, på nordsida av Bessvatnet. Den er på ca. 30 m2, men størstedelen av arealet er lagerplass for båt og utstyr. Sjølve opphaldsrommet er lite, og med to sengeplassar. Enkel standard. Båt med motor til disposisjon. Blir ikkje leigd ut i vinterhalvåret. Til bruk for innanbygdsbuande.

Hytte Nedre Leirungen

Hytta er ei av fleire hytter som ligg samla ved Nedre Leirungen. Den er på ca. 45 m2, med eitt soverom ogfire/ femsengeplassar. Hytta blir nytta av gjetarlaget i perioden 1. juni – 1. oktober.

Vargebue

Hytta ligg i Leirungsdalen, ca. 1 km vest for parkeringsplassen i Vargebakkane. Den er på ca. 25 m2, med eitt soverom og tre sengeplassar + madrass. Hytta er eit fint utgangspunkt for turar og jakt/fiske.

Gjendeosbue

Hytta ligg ved Gjendeosen, litt opp for vestenden av parkeringsplassen. Den er på ca. 36 m2, med to soverom, og fire/ fem sengeplassar. I hytta er det innlagt strøm, men ikkje vatn. Do i uthuset. Til bruk for innanbygdsbuande.

Trykk HER for å gå til bestillingsskjema